Er sveitarfélagið að brjóta lög?

Ef lög 40/1991 eru lesin þá er ekki hægt að sjá annað en að þau eigi rétt á fjárhagsaðstoð frá sveitarfélaginu. Markmið lagana eru mjög skýr:

I. kafli. Markmið laganna.
1. gr. Markmið félagsþjónustu á vegum sveitarfélaga er að tryggja fjárhagslegt og félagslegt öryggi og stuðla að velferð íbúa á grundvelli samhjálpar. Skal það gert með því 
   a. að bæta lífskjör þeirra sem standa höllum fæti,
   b. að tryggja þroskavænleg uppeldisskilyrði barna og ungmenna,
   c. að veita aðstoð til þess að íbúar geti búið sem lengst í heimahúsum, stundað atvinnu og lifað sem eðlilegustu lífi,
   d. að grípa til aðgerða til að koma í veg fyrir félagsleg vandamál.

 Svo í 4. kafla verður þetta mjög skýrt:

IV. kafli. Almenn ákvæði um rétt til félagsþjónustu á vegum sveitarfélaga.
12. gr. Sveitarfélag skal sjá um að veita íbúum þjónustu og aðstoð samkvæmt lögum þessum og jafnframt tryggja að þeir geti séð fyrir sér og sínum.
Aðstoð og þjónusta skal jöfnum höndum vera til þess fallin að bæta úr vanda og koma í veg fyrir að einstaklingar og fjölskyldur komist í þá aðstöðu að geta ekki ráðið fram úr málum sínum sjálf. 

 

Nú stefnir í að þau verði borin út og hafi ekki í nein hús að vernda. Mér finnst nokkuð ljóst að þau séu í þeirri aðstöðu að geta ekki ráðið fram úr málum sínum sjálf. Sveitafélaginu ber lagaleg skylda til að aðtoða þau. 

Brot sveitarfélagsins verða alvarlegri þar sem það eru börn á heimilinu. Málefni barna og ungmenna eru tíunduð sérstaklega í lögunum. Það að bera barnstórafjölskyldu út getur vart varið í anda laganna.

VIII. kafli. Málefni barna og ungmenna.
[30. gr.]¹⁾ Félagsmálanefnd er skylt, í samvinnu við foreldra, forráðamenn og aðra þá aðila sem hafa með höndum uppeldi, fræðslu og heilsugæslu barna og ungmenna, að gæta velferðar og hagsmuna þeirra í hvívetna.

Félagsmálanefnd skal sjá til þess að börn fái notið hollra og þroskavænlegra uppvaxtarskilyrða, t.d. leikskóla og tómstundaiðju. Einnig skal félagsmálanefnd gæta þess að aðbúnaði barna sé ekki áfátt og ekki séu þær aðstæður í umhverfi barna sem þeim stafar hætta af. 

 Þá er líka kafli um húsnæðismál:

 XII. kafli. Húsnæðismál.

[45. gr.]¹⁾ Sveitarstjórnir skulu, eftir því sem kostur er og þörf er á, tryggja framboð af leiguhúsnæði, félagslegu kaupleiguhúsnæði og/eða félagslegum eignaríbúðum handa þeim fjölskyldum og einstaklingum sem ekki eru á annan hátt færir um að sjá sér fyrir húsnæði sökum lágra launa, þungrar framfærslubyrðar eða annarra félagslegra aðstæðna.
   ¹⁾L. 34/1997, 9. gr. 
[46. gr.]¹⁾ Félagsmálanefndir skulu sjá til þess að veita þeim fjölskyldum og einstaklingum, sem ekki eru færir um það sjálfir, úrlausn í húsnæðismálum til að leysa úr bráðum vanda á meðan unnið er að varanlegri lausn.

 

Það liggur beinast við að aðstoða þau að halda því húsnæði sem þau búa í. Að öðrum kosti er sveitafélaginu skylt að útvega þeim húsnæði. Það er ekki í boði að brjóta upp fjölskylduna samkvæmt lögunum. 

Að lokum er bæjarfélaginu skylt að upplýsa þau um þau úrræði sem eru í boði. En ef þau neita þeim um aðstoð þá eiga þau rétt á að skjóta málinu til úrskurðarnefndar félagsþjónustu og húsnæðismála.

XVII. kafli. Málskot.
[63. gr.]¹⁾ Málsaðili getur skotið ákvörðun félagsmálanefndar til [úrskurðarnefndar félagsþjónustu og húsnæðismála],²⁾ sbr. [64. gr.]³⁾ Skal það gert innan [þriggja mánaða]⁴⁾ frá því viðkomanda barst vitneskja um ákvörðun.
Málskot til nefndarinnar frestar ekki framkvæmd hinnar kærðu ákvörðunar nema nefndin ákveði annað.
   ¹⁾L. 34/1997, 13. gr. ²⁾L. 66/2010, 23. gr. ³⁾L. 34/1997, 15. gr. ⁴⁾L. 152/2010, 46. gr. 
[64. gr.]¹⁾ [Úrskurðarnefnd félagsþjónustu og húsnæðismála]²⁾ fjallar um eftirtalin atriði: 
   1. Málsmeðferð, sbr. XVI. kafla.
   2. Rétt til aðstoðar, sbr. IV. kafla.
   3. Hvort samþykkt þjónusta og upphæð fjárhagsaðstoðar er í samræmi við reglur viðkomandi sveitarstjórnar.

   [4. Greiðslu fjárhagsaðstoðar aftur í tímann, sbr. 3. mgr. 21. gr.]³⁾ 

Og í 64. gr. 4. lið kemur í ljós að þau ættu hugsanlega rétt á fjarhagsaðstoð aftur í tímann.

Lögbrot sveitarfélagsins gætu leitt til skaðabótaskyldu ef þau hefðu getað haldið húsnæðinu með réttmætri aðstoð og forðað þeim frá þeirri aðstoð sem þau eru í núna. 

Vonandi leysist mál þeirra sem fyrst á farsælan hátt. 

Takið eftir því að

Dögun er með vel útfærða hugmynd í sjávarútvegmálum og mun með því efla landsbyggðina. Verðmyndun aflans verður á Íslandi en ekki fluttur úr landi. Þarna koma inn alvöru peningar sem hægt er að nota.

Dögun ætlar að láta bankana greiða fyrir tjónið sem þeir ollu með hruninu. Þannig næst sátt í þjóðfélaginu og þannig endurreisum við heimilin. Sáttin næst ekki með lækkuðum höfuðstól lána. Það skiptir máli hvernig það er gert.

Dögun mun tryggja nýja stjórnarskrá.

Dögun tekur ekki við framlögum frá fyrirtækjum og hefur þannig tekið tillit til rannsóknarskýrslu Alþingis sem sagði fyrirtæki hafa of mikil ítök í stjórnmálum.

xT

„Ábyrgðarlaust tal“

Amma, 90 ára þann 29 apríl, kaus í dag

Mamma dreif gömlu konuna hana ömmu mína 89 ára gamla. Hún fékk að fara fremst í röðina á göngugrindinni sinni. Þegar í kjörklefann var komið voru nokkrir stimplar sem átti að nota til að merkja kjörseðilinn með þeim listabókstaf sem hún vildi kjósa.

Hún var alveg harðákveðin í að styðja nú barnabarnið sitt og tók upp stimpilinn sem stóð á T. En þegar hún skellti T-inu á blaðið þá kom ekkert á seðilinn. Hún kallar fram og segir að það komi ekkert. Einn fulltrúanna kemur til að aðstoða hana og sér þá að hún hafði stimplað T-ið í lófann á sér. Fulltrúin aðstoðar hana svo að hún fari nú ekki með atkvæðið aftur heim í lófanum.

14% atkvæðisbærra hafa kosið

Velferðarráðuneytið reynir að bjarga sér fyrir horn

Fyrir 10 dögum síðan sagði fulltrúi SÍ að verið væri að skoða greiðsludreifingu en það yrði ekki tilbúið áður en kerfið færi í loftið.
Þrátt fyrir þessa greiðslu dreifingu þá er stór hópur fólks sem hefur ekki greitt fyrir lyf sín hingað til og á skuldavanda og nær varla endum saman. Þessi greiðsludreifing mun ekki koma að neinu gangi fyrir þann hóp. Einnig er ekkert hámark komið á lyfjakostnað heimila. Mörg heimili eru með fleiri en einn einstakling á dýrum lyfjum og mun þetta koma illa niður á þeim þrátt fyrir greiðsludreifingu því hún gerir bara ráð fyrir einstaklingum.

Það er ljóst að sá þrýstingur sem undirskriftarsöfnunin hefur valdið er að skila sér í því að ráðuneytið er að reyna að hífa upp um sig buxurnar en það vantar samt belti eða axlarbönd til að halda þeim uppi. 

Nú er bara spurning hvort ráðuneytið geti ekki frestað gildistökunni svo allir nái að átta sig á breytingunum og að þeir sem eiga í greiðsluvanda fyrir geti haft samband og óskað eftir úrræðum. Fulltrúi SÍ hefur gefið það út að ekki verði fylgst með þeim sem geta ekki leyst út lyfin sín á neinn hátt og það er óásættanlegt.

p.s.

Og hvað ef lyfsali sækir ekki um - hvað þá?

Lyfjakaupendur geta dreift kostnaði

Tugþúsunda álögur án fyrrivara

Göfugt markmið að mismuna ekki eftir sjúkdómum. En sjúkdómar eru mjög mismunandi í eðli sínu og sumum sjúkdómum fylgir mikill kostnaður annar en lyfjakostnaður.

 Sjá grein frá sykurskjúkum sem er sá hópur sem lendir einna verst í nýja kerfinu.

Kíkið athugasemdirnar á undirskriftarlistanum og sjáið hve margir eru að lenda illa í þessu.

Fólk er ekki að sjá fram á að eiga fyrir fyrsta þrepinu í þessu nýja kerfi. Þeir sem hefðu á nokkrum mánuðum getað sparað fyrir fyrsta þrepinu fá engan tíma til þess. Eru þvinguð til þess að fá lán hjá banka eða smálána fyrirtæki til að dekka óvæntan lyfjakostnað.

Það er lágmark að fresta þessari gildistöku  í 6 mánuði eða hætta við þetta alveg og skoða málið betur.

Þú setur ekki tugþúsunda álögur á fólk án fyrirvara.

Sérstaklega ekki fólk sem þarf lífsnauðsynlega á lyfjum að halda.

Sanngjarnara að mismuna ekki sjúkum

Undirskriftarlisti gegn þessum breytingum

Undirskriftarlistinn gegn þessum breytingum hefur aldrei verið líflegri enda umræðan rétt ný hafin korter í að lögin taka gildi. Það hefur algjörlega misfarist að kynna breytingarnar í tæka tíð fyrir sjúklingum.

Saman getum við fengið þessu breytt.

Sykursjúkir „sitja í sjokki“

Dögun vantar lítið til að ná 3-5 inn á þing

Dögun hefur verið á stöðugri uppleið í síðustu könnunum enda allir á fullu að kynna málefnin. Við í Dögun ætlum alla leið og Við ætlum að leiðrétta lánin, stöðva fullnustu aðgerðir og tryggja lágmarksframfærslu.
Við ætlum að hámarka arð þjóðarinnar af náttúruauðlindum og tryggja sjálfbæra nýtingu.
Við ætlum setja stjórnarskrá fólksins sem allra fyrst til þjóðaratkvæðis.

Dögun vantar innan við 2% til að ná 3-5 fulltrúum á þing. 40% kjósenda ennþá óákveðnir. Þetta kemur fram í skoðanakönnun sem Félagsvísindastofnun Háskóla Íslands dagana 17. - 23. apríl.

Nánast jafnstórir

Horfa ekki á kostnað fjölskyldunnar

Við erum ekki bara einstaklingar. Í þessu nýja kerfi þá hefur algjörlega gleymst að horfa á stöðu fjölskyldunar. Oft eru sjúkdómar ættgengir og legst því þessi breyting illa á margar fjölskyldur. Fulltrúi SÍ svaraði því til að þeim hefði aldrei dottið í hug að skoða þetta frá sjónarhorni fjölskyldunar.

https://www.change.org/petitions/gu%C3%B0bjartur-hannesson-velfer%C3%B0arr%C3%A1%C3%B0herra-h%C3%A6ttu-vi%C3%B0-fyrirhuga%C3%B0ar-breytingar-%C3%A1-l%C3%B6gum-um-grei%C3%B0slu%C3%BE%C3%A1ttt%C3%B6ku-lyfja

Sumir greiða minna, aðrir meira

Greiða fyrir að halda lífi

Langar að benda meira sambandi við nýja kerfið...

A) - Þeir sem eru nú að fá afslætti í apótekum af sínum lyfjum. T.d. greiða börn sem taka Conserta 1.900 kr fyrir hverja lyfjaávísun. Oftar en ekki hafa sjúklingar fengið þennan kostnað felldan niður sem afslátt af apótekum. Fullorðnir greiða 6.800 án afláttar. (þekki ekki persónulega hve mikinn afslátt þeir hafa fengið af þeirri upphæð). En amk börn hafa því verið að greiða ekkert fyrir Conserta sem er gefið við ADHD.
Í nýja kerfinu krefst SÍ hlut í afslætti til sjúklinga og mun þessi afsláttur leggjast af í nýju kerfi.

 

6. gr. reglugerðarinnar má finna: "Afsláttur af verði lyfs lækkar smásöluverð þess og miðast greiðsluþátttaka sjúkra­trygg­inga við smásöluverðið ef það er lægra en lægsta verð lyfsins í lyfjaverðskrá."
http://www.stjornartidindi.is/Advert.aspx?ID=b02f1cf8-83f9-4f1c-83e3-7a79f5616319

 

Í þeim dæmum sem SÍ tekur við kynningu á kerfinu er gamla verðið aldrei miðað við afsláttarverð frá apótekum og því koma dæmin sem þau taka alltaf betur út en í raunveruleikanum.

B) - Nær allir sem eru að taka lyf við ADHD munu koma mun verr út úr þessu nýja kerfi en því gamla vegna afláttarins og að lyfin eru mjög dýr og hafa verið mikið niðurgreidd. Það lítur líka út fyrir að margir fullorðnir missi rétt sinn til niðurgreiðslu á lyfjum við ADHD - nema þair hafi lyfjaskírteini.

C) - Annar kostnaður vegna sjúkdóma sem fellur ekki undir lyjfa eða lækniskostnað er t.d. og þá sérstaklega hjá börnum. Iðjuþjálfun, þroskaþjálfun, talþjálfun og sjúkraþjálfun. Og ef um þroskakerðingu er að ræða sem fylgir stundum flogaveiki þá þarf oft töluverðan suðning á mörgum sviðum.

D) - Ég kvartaði undan stuttum fyrirvara til umb. Alþingis þar sem frumvarpið var ekki gefið út fyrr en 9. apríl 2013 og þá innan við mánuður til gildistöu laganna. Allt of stuttur fyrir vari fyrir svona íþyngjandi breytingar. Árið 2011 fékk LÍN ávítur frá umb. Alþingis fyir að gefa námsmönnum aðeins 2 mánaðar fyrirvara fyrir að viðhafa ekki vandaða stjórnsýslu.

E) - yfir 2500 hafa tekið þátt í undirskrftarlista gegn þessum breytingum.
https://www.change.org/petitions/gu%C3%B0bjartur-hannesson-velfer%C3%B0arr%C3%A1%C3%B0herra-h%C3%A6tta-vi%C3%B0-fyrirhuga%C3%B0ar-breytingar-%C3%A1-l%C3%B6gum-um-grei%C3%B0slu%C3%BE%C3%A1ttt%C3%B6kulyfja
Þar má finna athugasemdir frá þeim sem skrifa undir og margir hverjir sjá ekki fram á að geta greitt fyrir lyfin sín vegna hærri lyfjakostnaðar jafn vel þó að boðið yrði upp á greiðsludreifingu.

Dæmi um athugasemd:
"Er með insúlínháða sykursýki og sé ekki fram á að geta borgað lyfin mín sem ég þarf. Það verður gaman á sjúkrahúsunum þegar allt fyllist af einstaklingum sem hafa ekki efni á lyfjunum sínum."
Athugasemdir sem þessar fylla 60 síður í pdf-skjali.

F) Ráðuneytið er að skoða greiðsludreifingu en samkvæmt fulltrúa SÍ þá verður það ekki tilbúið áður en kerfið fer í gang 4. maí.

G) Ég spurði SÍ hvernig þau ætluðu að fylgjast með þeim sem hafa ekki efni á lyfjunum og munu ekki kaupa lyfin vegna hærri kostnaðar. Svarið var: við munum ekkert fylgjast með þeim.

Baráttukveðjur

Sigurður Jónas Eggertsson

„Greiða fyrir að halda lífi“

Allir hræddir við nýja kerfið

Yfir 2000 einstaklingar hafa nú undirritað áskorun um að þessar breytingar verði feldar úr gildi.

Hér er Undirskriftarlistinn

Dæmi um athugasemdir sem fólk er að skrifa með söfnuninni

"Er sjálf með sykursýki 1, Greyndist fyrir 2 árum síðan, alveg að verða tvítug og hef engan vegin efn á að vera að borga tugi þúsunda fyrir lífsnauðsynleg lyf"

Svona gera menn ekki.

Reglugerðin var birt 9. apríl og enginn kynning farið fram fyrr enn innan við mánuður er í að breytingarnar taka gildi. Vegna þessa hefur verið kvartað til umb. Alþingis sem er að skoða málið. 

Mikið að gera í apótekum